យោងតាមគេហទំព័រ Relevant បានឲ្យដឹងថា Agile ជាវិធីសាស្រ្តដែលមានគោលការណ៍សំខាន់ៗជាច្រើនដែលសង្កត់ធ្ងន់ទៅលើការបែងចែកធនធានទៅតាមជំនាញដែលជាយុទ្ធសាស្រ្តឈានទៅរកភាពជោគជ័យក្នុងការអភិវឌ្ឍន៍គម្រោងណាមួយ។ មិនតែប៉ុណ្ណោះ agile software ក៏មានរបៀបនៃការកំណត់តួនាទីក្រុមការងារទៅតាមរចនាសម្ព័ន្ធយ៉ាងត្រឹមត្រូវដើម្បីដោះស្រាយភារកិច្ចទៅតាមផ្នែកដែលមានជំនាញខុសៗគ្នា។

សូមបញ្ជាក់ថា Agile មានលក្ខខណ្ឌយ៉ាងច្រើន ដែលវាមិនមែនផ្អែកលើតែមួយផ្នែកនោះទេគឺផ្អែកទៅលើផែនការទាំងអស់ដែលសាកសមសម្រាប់រចនាសម្ព័ន្ធនៃក្រុមការងារ ដោយអាស្រ័យទៅលើកាលៈទេសៈជាក់លាក់។ ក្នុងនោះក៏មានមាតិកាជាច្រើនចំណុចដូចតទៅ

-វិធីសាស្រ្តទាំង៣នៃរចនាសម្ព័នសម្រាប់ការអភិវឌ្ឍន៍

1.វិធីសាស្រ្តទូទៅ: មានន័យថាក្រុមការងារអាចបំពេញនូវការងារផ្សេងៗទូទៅដោយមិនផ្តោតលើការងារឯកទេសតែមួយនោះទេ។ វិធីសាស្រ្តទូទៅនេះមានលក្ខណៈសម្បត្តិអាចជួយសម្រួលដល់ក្រុមការងារបានច្រើនដូចជា ភាពបត់បែន ការយល់ដឹងជារួម និងការកាត់បន្ថយបន្ទុកការងារ។ ហើយក្នុងនោះក៏មានគុណវិបត្តិផងដែរគឺ ការកង្វះជំនាញឯកទេស និងការគ្រប់គ្រងពេលវេលា។

2.វិធីសាស្រ្តអ្នកឯកទេស: វិធីសាស្រ្តនេះផ្តោតទៅលើក្រុមការងារដែលមានជំនាញច្បាស់លាស់ក្នុងការទទួលតួនាទីការងារទៅតាមភារកិច្ចដែលផ្ទុយស្រឡះពីវិធីសាស្រ្តទី១តែម្តង។ រីឯគុណសម្បត្តិវិញគឺផ្អែកលើ គុណភាពនៃជំនាញ ប្រសិទ្ធភាព កាត់បន្ថយពេលវេលាលើការបណ្តុះបណ្តាល ចំណែកឯគុណវិបត្តិគឺ ភាពបត់បែនរបស់ក្រុមការងារឯកទេសនៅមានកម្រិត។

3.វិធីសាស្រ្តចម្រុះ: ដោយវិធីសាស្រ្តនេះកើតចេញពីការលាយបញ្ចូលគ្នារវាងវិធីសាស្រ្តទូទៅ និងវិធីសាស្រ្តឯកទេសដែលធ្វើឲ្យក្រុមការងារក្លាយជាអ្នកជំនាញដែលមានតុល្យភាព មានការច្នៃប្រឌិតខ្ពស់ រីឯគុណវិបត្តិនៃវិធីសាស្រ្តចម្រុះវិញគឺ ថាមវន្តក្រុម និងភាពច្របូតច្របល់លើតួនាទី។

 -រចនាសម្ព័ន្ធក្រុមការងារ Typical Software Development: 

ដែលនិយាយពីតុល្យភាពរវាងក្រុមការងារទូទៅនិងក្រុមការងារឯកទេសដែលធ្វើការទំនាក់ទំនង និងសហការគ្នាយ៉ាងរលូនដោយផ្អែកទៅលើសេណារីយ៉ូនៃកត្តាពេលវេលា និងកត្តាថវិកាដោយក្នុង Typical Software ដែលតម្រូវឲ្យមាន អ្នកគ្រប់គ្រងគម្រោង អ្នករចនា UI/UX អ្នកបង្កើតកម្មវិធី និងសមាជិកដែលមានគុណភាព។

-ភាពខុសគ្នាតែមួយគត់ក្នុងក្រុមអភិវឌ្ឍរបស់ Agile Software ដែលលើកទឹកចិត្តក្រុមការងារឲ្យទទួលបាននូវតួនាទី និងទំនួលខុសត្រូវផ្សេងៗ រួមទាំងជំរុញឲ្យក្រុមការងារមានការសហការគ្នាដើម្បីចាកឆ្ងាយពីការប្រើគោលការណ៍ចាស់ៗ។

-ការបង្កើនផលិតភាពការងារ និងតួនាទីតាមរយៈ Agile Software:សំដៅលើការបង្កើតទំនួលខុសត្រូវក្នុងពេលចាប់ផ្តើមគម្រោង ព្រមទាំងគោលដៅដែលសម្រេចទៅតាមពេលវេលា និងថវិកាដែលបានកំណត់។

-តើក្រុមអភិវឌ្ឍ Agile Software សាកសមសម្រាប់អាជីវកម្មរបស់អាជីវករដែរឬទេ?

យើងឃើញថា Agile Software មិនមែនជា panacea ដែលអាចយកអនុវត្តទៅលើគ្រប់អាជីវកម្មបាននោះទេជាក់ស្តែងអាជីវករគួរតែគិតឲ្យបានល្អិតល្អន់លើកត្តាមួយចំនួនដូចជា ភាពបត់បែន និងការសម្របសម្រួល វិធីសាស្រ្តផ្តោតលើអតិថិជន ភាពស្មុគស្មាញ និងទំហំនៃគម្រោង ការត្រៀមខ្លួនក្នុងការផ្លាស់ប្តូរជារឿយៗ។ ដូច្នេះរាល់ការសម្រេចចិត្តយក Agile មកប្រើប្រាស់ដើម្បីអភិវឌ្ឍគឺអាស្រ័យទៅលើតម្រូវការជាក់លាក់របស់គម្រោង និងការត្រៀមខ្លួនក្នុងការផ្លាស់ប្តូរស្ថាប័នផងដែរ។

-ការយល់ដឹងសំខាន់ៗសម្រាប់ការកសាងប្រសិទ្ធភាពនៃការអភិវឌ្ឍន៍តាមរយៈAgile Software: ការយល់ដឹងសំខាន់ផ្អែកទៅលើការទាមទារនិងការគិតទុកជាមុនដែលជាយុទ្ធសាស្រ្តការលះបង់ និងឆន្ទៈដើម្បីឈានទៅរកភាពជោគជ័យយ៉ាងឆាប់រហ័ស។ ចំណុចសំខាន់ៗនៃរចនាសម្ព័ន្ធរបស់ Agile Software គឺការទទួលយកវិធីសាស្រ្តនៃការផ្លាស់ប្តូរ ការសម្របខ្លួនជាប្រចាំ ការកំណត់តួនាទីឲ្យបានច្បាស់លាស់ ការលើកកម្ពស់ទំនាក់ទំនង និងប្រើសូចនាករក្នុងការអភិវឌ្ឍន៍ ដើម្បីជំរុញឲ្យមានការកែលម្អជាបន្តបន្ទាប់។

-លក្ខណៈនៃរចនាសម្ព័ន្ធក្នុងការរអភិវឌ្ឍន៍ Software ឲ្យមានប្រសិទ្ធភាព: ដោយដឹងថាភាពជោគជ័យនៃគម្រោងក្នុងការអភិវឌ្ឍន៍កម្មវិធីណាមួយគឺអាស្រ័យទៅលើរចនាសម្ព័ន្ធដ៏ត្រឹមត្រូវ។ ការយល់ដឹងអំពីលក្ខណៈសំខាន់ៗដែលធ្វើឲ្យរចនាសម្ព័ន្ធប្រកបដោយប្រសិទ្ធភាពដែលជំរុញឲ្យគម្រោងទទួលបានជោគជ័យគឺអាស្រ័យទៅលើ តួនាទី និងទំនួលខុសត្រូវច្បាស់លាស់ សំណុំជំនាញដែលមានតុល្យភាព ការទំនាក់ទំនងដោយរលូន ស្មារតីសមូហភាព ភាពបត់បែន និងរហ័សរហួន ភាពជាអ្នកដឹងនាំដែលមានការណែនាំ ការកែលម្អរចនាសម្ព័ន្ធជារឿយៗ។សរុបមករចនាសម្ព័ន្ធនៃ Agile អាជីវករអាចសម្រេចបាននូវលិទ្ធផលដែលមានគុណភាពខ្ពស់ និងលឿនជាងមុន ដើម្បីសន្សំសំចៃពេលវេលា និងថវិកា។